.jpg)
 |
| ރީކޯ މޫސަގެ ކާރުން ރާ ފެނުނުކަމަށް ބުނޭ |
ރަލާބެހޭގޮތުން މިފަހަކަށްއައިސް ފާހަގަކުރެވޭ އެހެންކަމެއް އެބައޮތެވެ. އެއީ، ކިނބިގަސްދޮށުގޭ މީހުން ފިޔަވާ ދެންތިބި މީހުންނާއި ރަލާ ގުޅިފައިވާގޮތެވެ. ކެނޑިނޭޅި މައުމޫނުގެ ވާހަކަ އެންމެ ގަދައަށް ދައްކާ ފަރާތަކީ އަބަދުވެސް ރީކޯ މޫސާމަނިކެވެ. އޭނާގެ ކާރުގެ ތެރެއިން ވަނީ ބަނގުރާ ފެނިފައެވެ. ރައްޔިތުންގެ ވޯޓުން މައުމޫނުގެ ވެރިކަން ވައްޓާލުމަށް ފަހު ވެރިކަމަށް ވަޑައިގެންނެވި ކެނެރީގޭ ނަޝީދުގެ ވެރިކަން 7 ފެބުރުއަރީ 2012 ގައި ބަޣާވަތަކުން ވައްޓާލި ދުވަހު އެ މަނިކުފާނު ދިރިއުޅުއްވި މުލީއާގެއިން ވެސް ވަނީ ބަނގުރާ ފެނިފައެވެ.
 |
| މުލިއާގެއިން ރާ ފެނުނުކަމަށް ބުނޭ |
އެއަށްފަހު، މިއަދު މިއިވެނީ ޕީ.ޕީ.އެމް ގެ ޕްރައިމަރީގައި ވާދަކުރައްވާ އެއް ކެނޑިޑޭޓްކަމުގައިވާ ދޮންޖޭމު އުމަރު ނަސީރުގެ ކާރުން ރާފުޅިއެއް ފެނުނުވާހަކައެވެ. އުމަރުގެ ކެމްޕެއިން މެނޭޖަރ މާޒު ސަލީމާ ހަވާލާދީ ދުވަހު ނޫސްތަކުން ބުނަނީ އެއީ އުމަރުގެ ވާދަވެރިންގެ ނުބައި ރޭވުމެއް ކަމަށް ޤަބޫލުކުރައްވާ ކަމަށެވެ. މިވަގުތު އުމަރު ނަސީރުގެ ވާދަ ވެރިއަކީ މައުމޫނުގެ ކޮއްކޮ އަބުދުﷲ ޔާމީނެވެ.
 |
| އުމަރުގެ ކާރުން ރާފެނިގެން ޗެކުކުރަނީ |
އެހެންކަމުން، ސާފު އެއްކަމެއް އެބައޮތެވެ. ރީކޯ މޫސައަކީވެސް، ރައީސް ނަޝީދަކީވެސް، އުމަރު ނަސީރަކީވެސް ކިނބިގަސްދޮށުގޭ މީހުނެއްނޫނެވެ. މި ހުރިހާ އެންމެންނަކީވެސް މި ވަގުތު ކިނބިގަސްދޮށުގޭ މައުމޫނުގެ ނުވަތަ ޔާމިނުގެ ވާދަވެރިންނެވެ. ރީކޯ މޫސަ ކާރުން އަދި ރައީސް ނަޝީދު އުޅުއްވި މުލީއާގެއިން ރާ ފެނުމުން އެމް.ޑީ.ޕީ ގެ ސަޕޯރޓަރުން ބުނަމުން ގެންދިޔައީ އެއީ ނުބައި ރޭވުމެއް ކަމަށެވެ. އެދުވަހު އުމަރުގެ ސަޕޯރޓަރުން ބުނަމުން ގެންދިޔައީ 'ގަންޖާބޯ' ސަރުކާރުގެ ހާލަތު ކަމަށެވެ. މިއަދު ބުނާނީ ކީކޭ ހެއްޔެވެ؟
No comments:
Post a Comment